Эрүүл мэндийн яамнаас өнөөдрийн /2021.05.30/ 11:00 цагийн ээлжит мэдээллээ хүргэв.
Сүүлийн 24 цагт 891 хүнээс халдвар нэмж илэрчээ. Ингэснээр улсын хэмжээнд нийт халдвар авсан иргэдийн тоо 57512 болж байна. Харин халдвар авсан нь батлагдаж, эмчлэгдэж байсан 434 хүн эдгэрч, эмнэлгээс гарсан байна. Нийт эдгэрэлт 49754 боллоо.
Тэгвэл өнгөрсөн хоногт коронавирусийн нэн хүнд оноштойгоор эмчлэгдэж байсан дөрвөн хүн нас барж, нас баралт 272 болов.
Өнөөдрийн байдлаар халдвар авч, эмчлүүлж буй 4533 хүнээс 122 хүний биеийн байдал маш хүнд байна.