Дотоод худалдааны салбарын нийт борлуулалт I улиралд 5.5 их наяд төгрөг болж, өмнөх оны мөн үеэс 18.9 хувиар өссөн байна.
Худалдааны салбарын борлуулалтын орлогын 36.8 хувь нь бөөний худалдаа, 63.2 хувь нь жижиглэн худалдааны салбарт ногдож байна. Мөн бөөний худалдааны борлуулалтын орлого мөн хугацаанд 24.1 хувиар өссөн бол жижиглэн худалдааны орлого 16.1 хувиар өссөн байна.
Дотоодод “коронавирус”-ийн халдвар тархсанаас хойш улсын хэмжээнд таван удаагийн хатуу хөл хорио тогтоосон бол он гарсаар хоёр удаагийн хөл хорио тогтоосон юм. Энэ хугацаанд хүнснээс бусад бараа, бүтээгдэхүүний худалдааг хязгаарлаж байсан бөгөөд цөөн тооны, тодорхой салбарууд үйл ажиллагаагаа явуулж байв.
Мөн хил хаасантай холбоотойгоор зарим бүтээгдэхүүний эрэлтийг дотоодын үйлдвэрлэгчид хангаж чадахааргүй нөхцөл байдал үүссэн аж. Мөн борлуулалтын орлого цар тахлын өмнөх үеийн түвшнээс өндөр гарсныг онцолж болохоор байна.
