Хөвсгөл аймгийн Ханх сумын нутагт өчигдөр буюу тавдугаар сарын 27-ны өдрийн 20:21 цагт 4.3 магнитудын хүчтэй газар хөдлөлт болжээ.
Тус аймгийн Онцгой байдлын газраас газар хөдлөлт болсон нутагт амьдардаг иргэдээс асуухад газар хөдлөлтийн чичирхийлэл бага зэрэг мэдрэгдсэн, учирсан хохиролгүй хэмээжээ.
Он гарснаас хойш Хөвсгөл аймгийн Ханх суманд хүнд мэдэгдэхүйц газар хөдлөлт нэлээдгүй бүртгэгдсэн бөгөөд өнгөрсөн нэгдүгээр сарын 12-нд 6.5 магнитуд, тавдугаар сарын 3-нд 6.3 магнитуд хүчтэй газар хөдөлсөн билээ.