УОК-ын өнөөдрийн хуралдаанаас гаргасан шийдвэрийг танилцуулж байна. Тодруулбал, энэ сарын 22-ноос хүнсний дэлгүүрүүд 22.00 цаг хүртэл ажиллахаар цагийн хуваарьт өөрчлөлт оруулжээ. Харин хоолны газар, ресторанууд 00.00 цаг хүртэл ажиллах юм байна.
УОК-ын Хэвлэлийн төлөөлөгч Ц.Ганзориг “УОК-ын шуурхай ажлын хэсэг хуралдаж, хэд хэдэн шийдвэр гаргажээ.
- Тавдугаар сарын 22-ноос эхлэн вакцины давтан тун хийлгээд 14 хоногоос дээш хоносон иргэн орон нутагт зорчиж болно. 0-17 насны хүүхдээс шинжилгээний бичиг шаардахгүй.
- Мөн тавдугаар сарын 22-ноос 9 том захыг нээнэ. “Нарантуул”, “Алтжин Бөмбөгөр”, “Барс” гэх мэт.
- Хоол үйлдвэрлэгчид энэ сарын 22-ноос эхлэн давтан тун хийлгэж 14-өөс дээш хоносон иргэдэд үйлчилнэ.
- Зочид буудал, дэн буудлууд ажиллана.
- Амралтын газар, жуулчны баазууд гэр бүлийн хүрээнд үйлчилнэ” гэв.
Ингэснээр үйлчилгээний байгууллагуудын 83 хувь нь хаалгаа нээж байгаа юм.