Хааны гэр бүлийн хос болох Хунтайж Уильям, түүний гэргий Кейт Миддлтон нар ютүбийн албан ёсны шинэ сувгаа нээж, богино хэмжээний танилцуулга бүхий анхны видеогоо нийтэлжээ.
Танилцуулга видеоны эхэнд Уильям “Эдгээр залуус бид хоёрын бичлэгийг хийж байгаа тул одоо хэлэх зүйлээ хянаарай” гэж хошигноход Кейт “Мэдэж байна аа” хэмээн инээдээ барьж ядах аж.
Хунтайж Уильям, Кейт Миддлтон нарын энэхүү 25 секундын видеог одоогоор 2.2 сая гаруй хүн үзжээ. Тэдний хуваалцсан анхны видео нь “Бидний албан ёсны ютүб сувагт тавтай морилно уу!” хэмээх нэртэй бөгөөд хосууд хүүхдүүдтэй мэндчилж, нисдэг тэргээр явж, амьтадтай харьцаж байгаа зэрэг тэдний өмнөх айлчлал, үйл явдлын олон дүрсийг бичлэгт хураангуйлж нэгтгэжээ.