Монголын Хөрөнгийн биржид өнгөрсөн 7 хоногт 5 удаагийн үнэт цаасны арилжаа болж, нийт 155.158.060.929.9 төгрөгийн арилжаа хийв. Хувьцааны хоёрдогч зах зээлийн энгийн арилжаагаар: нийт 56 компанийн 15.7 сая хувьцааг 4.231.799.219.7 төгрөгөөр арилжсан байна.
Багцын арилжаагаар: Өнгөрсөн 7 хоногт 1.5 сая ширхэг компанийн багцыг нийт 150.000.000.000 төгрөгөөр арилжжээ.
Компанийн өрийн хэрэгслийн арилжаагаар: “Эрдэнэс таван толгой” ХК-ийн бондын хоёрдогч зах зээлийн арилжаанд 600 ширхэг компанийн бондыг нийт 60 сая төгрөгөөр арилжив. Хөрөнгө оруулалтын сангийн нэгж эрхийн хоёрдогч зах зээлийн арилжаагаар 1.8 сая нэгж эрхийг нийт 866,260,710.20 төгрөгөөр арилжсан байна. 4 дүгээр сарын 30-ны байдлаар зах зээлийн үнэлгээ 3,719,067,887,445.06 төгрөг болсон бол ТОП-20 индекс 36,085.37 нэгж болж өмнөх 7 хоногоос 4.97 хувиар өссөн үзүүлэлттэй байна.