“Оюутолгой” компанид коронавирусийн халдварын тохиолдол бүртгэгдэж, БНХАУ-ын тал хилээр нэвтрүүлэх нүүрс болон баяжмалын тээврийн автомашины тоог хязгаарласан юм. Ингэснээр экспортын хэмжээ огцом буураад байна.
Уул уурхайн яамнаас мэдээлснээр, он гарсаар манай улс 315.4 мянган тонн зэсийн баяжмал экспортолжээ. Өнгөрсөн оны мөн үед 340.6 мянган тонн зэсийн баяжмал экспортлоод байсан юм.
Харин нүүрсний экспортын хэмжээ 7016.4 мянган тоннд хүрч өнгөрсөн оны мөн үеэс 107 хувиар нэмэгдээд байгаа аж. Нүүрсний экспорт өнгөрсөн оны мөн үед 3387.4 мянган тонн байжээ.