“Johnson & Johnson” компанийн бүтээсэн вакциныг тариулсан 6.8 сая хүний зургаад маш ховор тохиолддог цус бүлэглэх өвчин илэрсэн тул АНУ-ын Хүнс, эмийн агентлаг уг вакцины хэрэглээг түр зогсоогоод байгаа билээ.
Тэгвэл энэ шийдвэр гарсны дараа ӨАБНУ, Европын холбооны зарим улсууд мөн хэрэглээгээ түр зогсоожээ.
Шийдвэр гарсан даруйд “Johnson & Johnson” Европын улсуудад хийх нийлүүлэлтээ мөн хойшлуулсан юм.
АНУ-д цус бүлэгнэх өвчнөөр өвчилсөн зургаан тохиолдол нь бүгд 18-48 насны эмэгтэйчүүд бөгөөд вакцин хийлгэснээс хойш 6-13 хоногийн дотор өвчний шинж тэмдэг илэрсэн байна.
Энэ мэдээлэл тодорхой болсны дараа АНУ-ын Хүнс эмийн агентлаг вакцины хэрэглээг нэн даруй зогсоох удирдамжийг эрүүл мэндийн нэгжүүдэд илгээсэн юм.