Ховд аймгийн Мөст сумын Цэцэг гол багийн Хүрэн толгой гэдэг газар хурдан морьдын бооцоот уралдаан өнөөдөр зохион байгуулагдаж байна гэсэн мэдээлэл байна. Цагдаагийн алба хаагчид зөрчлийг арилгахаар шаардлага тавин ажиллаж байна гэв. Эх сурвалжийн мэдээлснээр аймгийн төв болон зэргэлдээ сумдын уяачид зорин ирсэн байгааг онцоллоо. 20 гаруй авто машин, 50 орчим хүн цуглажээ.
МУЗГ-аас жил бүрийн арван нэгдүгээр сарын 1-ээс тавдугаар сарын 1-ны өдөр хүртэл хурдан морьдын уралдаан, үсэргээ сунгаа зохион байгуулахыг хориглосон байдаг.