БНХАУ-ын төрийн зөвлөлийн гишүүн, Гадаад хэргийн сайд Ван И-гийн Ойрхи-Дорнод дахь айлчлал өнөөдөр эхэлж байна. Тэрбээр Саудын Арабын Гадаад хэргийн сайд Фейсал бин Фархан Аль Саудын урилгаар тус улсад хүрэлцэн очжээ. Долоо хоног үргэлжлэх айлчлалын хүрээнд тэрээр Турк, Иран, Арабын Нэгдсэн Эмират, Оман, Бахрейн зэрэг орныг зорих аж.
l l l
Австралид сүүлийн 60 жилд болоогүй үерийн гамшиг нүүрлэсэн талаар бид мэдээлсэн. Тус улсын Шинэ Өмнөд Уэльс мужид 18 мянган хүн, мөн Сидней хотын баруун хэсгээс гурван мянган хүнийг аюулгүй газарт нүүлгэн шилжүүлжээ. Бороо үргэлжлэн орох төлөвтэй байгаа талаар Австралийн цаг уурын албанаас сэрэмжлүүлээд буй. Шинэ Өмнөд Уэльс мужийн хойд эрэг, Сидней хотын баруун хойд хэсэгт нийтийн тээврийн хөдөлгөөнийг хязгаарлажээ. Энэхүү ажлын хүрээнд 30 гаруй авто зам, Хоксбери голын гүүрний хөдөлгөөнийг хааж, 130 гаруй дунд сургуулийн үйл ажиллагааг түр зогсоожээ. Үүнтэй зэрэгцэн байгалийн гамшигт нэрвэгдсэн бүс нутагт их хэмжээний аалзны нүүдэлд хот, суурин газар, айлууд өртөж буй тухай мэдээ хөвөрч байна. Аалзнаас гадна могойнууд модон дээр их хэмжээгээр шавсан байгаа аж.
Д.ЦЭРЭНДОЛГОР