Гадаад харилцааны яамнаас гадаадын оронд гацсан иргэдийг татан авах ажил, нислэгийн тийзийн үнийн хөнгөлөлт, вакцины татан авалт зэрэг цаг үеийн асуудлаар өнөөдөр /2021.2.26/ мэдээлэл хийлээ.
“МИАТ” ТӨХК-ийн коммер эрхэлсэн захирал Я.ӨЛЗИЙБОЛД :
-Иргэдийн татан авах ажиллагаанд дэмжлэг үзүүлэн ажиллаж байна. Тийзний асуудал дээр иргэд хүсэлт гаргасаар ирсэн тул манай компанид Улсын онцгой комиссоос бүх чиглэлийн тарифыг 15 хувиар бууруулах чиглэл ирсэн. Тиймээс гуравдугаар сарын 1-нээс эхлэн татан авалтын нислэг дуусах хүртэл өөрчлөлт оруулахаар болсон. Тухайлбал, Сөүл чиглэлийн нислэг 530 мянган воны тарифтай бөгөөд үүнээс 15 хувь хөнгөлөөд 457 мянган вон болж байна. Токио чиглэлд 59150 иений тариф 51050 иен болж, Франкфурт чиглэл 830 еврогоос 731 евро, Истанбул 734 ам.доллароос 629 ам.доллар болж байгаа. Мөн Нурсалтаны тариф 364314 ам.доллар болж байна.