“Hyundai” компанийн үйлдвэрлэсэн автомашинд гал гарсан тухай мэдээллүүд цацагдаж, батерейг солихын тулд дэлхийн хэмжээнд 82 мянган цахилгаан автомашинаа эргүүлэн татахаар болжээ. “Hyundai” компани тэдгээр автомашинуудыг эргүүлэн татсанаараа түүхэн дэх хамгийн өндөр өртөгтэйд тооцогдох татан авалтыг хийх бөгөөд энэ нь ойрын ирээдүйд цахилгаан автомашины доголдол нь асар их зардал үүсгэж болзошгүйг автомашин үйлдвэрлэгчид сануулж байгаа юм.
Ихэнх автомашин үйлдвэрлэгчид эргүүлэн татах зардлаа олон нийтэд зарладаггүй тул нарийн тоо баримт байдаггүй. Гэсэн хэдий ч буцаан татахад Hyundai-д нэг их наяд солонгос вон буюу 900 сая долларын өртөг шаардагдана гэсэн мэдээлэл байна.Тээврийн хэрэгслийн хувьд дунджаар 11000 доллараар зарагддаг тул эргүүлэн татах нь түүнийг давуулсан хэмжээний өртөгтэй юм. Сүүлийн 10 жилийн хугацаанд автомашиныг эргүүлэн татах дундаж өртөг нь нэг тээврийн хэрэгсэлд 500 орчим доллар байсан гэж автомашин, үйлдвэрлэлийн практик компанийн захирал Майк Хелд дурьдсан байдаг. “Ерөнхийдөө автомашины үйлдвэрүүд хэрэглэгчийн цахилгаан барааны салбарт учирсан батерейг эргэн санах зарим томоохон зардлаас зайлсхийхийг хүсч байвал батерейны аюулгүй байдал, бат бөх чанар улам бүр чухал болох болно” гэж тэрээр мөн онцолжээ.