Засгийн газрын тэргүүн болон аялал жуулчлалын салбарын төлөөллүүдийн уулзалт үргэлжилж байна.
Монголын Аялал жуулчлалын холбоонй ТУЗ-ийн гишүүн, Discover Mongolia компанийн захирал Б.Барсболд салбарын өнөөгийн нөхцөл байдал болон Засгийн газарт хүргүүлэх гарц, шийдлийн талаар өөрийн байр сууриа илэрхийллээ.
“Монголын аялал жуулчлалын салбарын сүүлийн 30 жилд тур оператор компани онцгой үүрэг гүйцэтгэж ирсэн. Харамсалтай нь цар тахалтай холбоотой нэг жил гаруйн хугацаанд хүнд байдалтай өнгөрөөж байна. Нийт 570 компанийн 15 хувь буюу 85 компани үүд хаалгаа барьсан. Нийт ажилчдын 49 хүн цомхтголд орсон байна. Үлдсэн 5800 гаруй хүн нь ч ажлын байрны эрсдэлд ороод байна. 2020 онд ямар ч орлогогүй ажилласан.
Аялал жуулчлалын эргэлт гаднаас ирж байгаа гаднаас ирж байгаа жуулчдад дээр тогтдог байсан. Эдийн засгийн 98 хувь нь хумигдсан. 607 гаруй сая ам.доллар салхинд хийссэн. Сэхээний өрөөнд байгаа хувийн хэвшлийн үйл ажиллагааг яаж амь оруулах юм бэ.
Хоёрдугаарт урт хугацаанд тогтвортой байлгах талаар бодолцох ёстой. Нэг жилийн хугацаанд орлогогүй суусан учраас бид хөнгөлөлттэй зээл авах хүсэлт гаргасан. Мөн нийгмийн даатгалаа төлж чадахгүйд хүрсэн тул үүнийг улсаас дааж үзэж болох уу. Харин нөгөөх нь санхүүгийн дэмжлэг үзүүлээчээ. Ямар нэгэн татвар төлөх байтугай ажилчдынхаа цалинг өгч чадахгүй байдалд хүрсэн” гэсэн юм.