АНУ-ын шинээр сонгогдсон Ерөнхийлөгч Жо Байден нэгдүгээр сарын 20-нд тангараг өргөснөөсөө хойш Дональд Трампын сүүлийн дөрвөн жилд тогтоосон олон бодлогыг өөрчилж эхэлсэн. Тодруулвал ажлаа хүлээж авсан эхний өдрөө тэрээр Парисын цаг уурын хэлэлцээрт нэгдэж, ЛГБТ хүмүүсийн эрхийг хамгаалах асуудлыг сэргээж, ДЭМБ-аас гарах шийдвэрийг цуцалсан юм.
Өмнө нь Дональд Трамп уг аппликейшнууд нь хувийн нууцлал, аюулгүй байдалд аюул учруулж байна гэж мэдэгдсний дараа ТикТок компани АНУ-ын Засгийн газрыг шүүхэд өгч байжээ. Одоогоор шинэ ерөнхийлөгчийн засаг Трампын дэвшүүлсэн ТикТокийн хоригийг түдгэлзүүлэх саналтай байгаа аж. Ингэснээр TikTok болон WeChat програмууд хоёулаа АНУ-д үйл ажиллагаагаа үргэлжлүүлж болно гэсэн үг юм. WeChat мессежийн аппликейшн нь дэлхий даяар 1 тэрбум гаруй хэрэглэгчтэй боловч АНУ орлогынхоо 2 хувийг л эзэлдэг бол TikTok аппликейшн нь дэлхий даяар 800 орчим сая хэрэглэгчтэй бөгөөд үүний 100 сая нь АНУ-д байдаг аж.