Мэргэжлийн сагсчин И,Ц нар амиа алдсан хэргийн талаар ЦЕГ-аас мэдээлэл өглөө.
Цагдаагийн дэд хурандаа Б.Баатархүү “Хоёрдугаар сарын 7-ны өдрийн 03:00 цагт БЗД-ийн 25 дугаар хорооны нутаг дэвсгэрт хүн нас барсан тухай дуудлага эрүүл мэндийн байгууллагад ирсэн. Уг мэдээллийн дагуу цагдаагийн байгууллага хэргийн газар ажилласан. Хэргийн газрын үзлэгээр 23 настай Ц гаднын нөлөөтэй амь насаа алдсан. 20 настай И өндрөөс унасан байдалтай амиа алдсан нөхцөл байдал тогтоогдсон. Болсон үйл явдлыг тодруулах, мөрдөн шалгах ажиллагаа явагдаж байна. Мөрдөн шалгах үйл ажиллагааны явцад илүү дэлгэрэнгүй мэдээллийг өгөх боломжгүй. Иргэд олон нийт энэ хэргийн талаар буруу ташаа мэдээлэл бүү тараагаарай гэж хүсэх байна” гэв.