Сүхбаатар аймгийн Түмэнцогт сумаас Мөнххаан сумын чиглэлд яваад сураггүй болсон гэр бүлийг эрэн хайх ажиллагааг өнөөдөр шөнө 02:20 цагт эхлүүлжээ.
Тус аймгийн Мөнххаан сумын “Баянтэрэм” 1 дүгээр багийн “Зүрхийн хоолой” гэдэг газар малчин Ш эхнэр, 2 хүүхдийн хамт автомашинтай гараад сураггүй болсон тухай дуудлагыг хоёрдугаар сарын 7-ны өдрийн 23:55 цагт аймгийн Онцгой байдлын газарт иржээ.
Тухайн гэр бүл 7-ны өдрийн 15:10 цагийн үед Түмэнцогт сумаас Мөнххаан сумын чиглэлд зорчсон байна.
Тус аймгийн Онцгой байдлын газрын Түмэнцогт сум дахь Эрэн хайх, аврах бүлэг, сумын цагдаагийн хэсгээс алба хаагчид дуудлагыг хүлээн аван хоёрдугаар сарын 8-ны өдрийн 02:20 цагаас эхлэн эрэн хайх ажиллагааг эхлүүлээд байна гэж ОБЕГ-аас мэдээллээ.