УИХ дахь АН-ын бүлэг хуралдаж, хэд хэдэн асуудлыг хэлэлцжээ. Засгийн газрын өчигдрийн хуралдаанаар ирэх оны долдугаар сарын 1-нийг хүртэл иргэд, ААН-ийн цахилгаан, усны төлбөрийг тэглэсэн. Уг асуудал цагаа олсон зөв шийдвэр байсан бөгөөд шийдвэрийг гаргахад Ардчилсан Намын үүрэг оролцоо чухал байсан гэдгийг бүлгийн дарга хэллээ.
УИХ дахь АН-ын дарга Д.Ганбат “Засгийн газрын шийдвэрийг гаргахад АН чухал оролцоотой байсныг дурдах нь зүйтэй. Бид Эрдэнэт үйлдвэрийг 100 хувь Монгол Улсын мэдэлд авчирснаар энэхүү шийдвэр хэрэгжих боломж бүрдсэн. Гэхдээ цахилгаан болон усны хэрэглээнд саатал, доголдол гарах ёсгүй” гэлээ.