ХӨСҮТ-ийн сүрьеэгийн эмчээс коронавирусийн халдвар илэрсэн талаарх мэдээлэл өчигдөр цацагдсан. Энэ талаар ХӨСҮТ-ийн Тандалт, судалгааны албаны дарга А.Амбасэлмаа мэдээлэл өгөв.
Тэрбээр “ХӨСҮТ-ийн сүрьеэгийн эмчийн эхний шинжилгээ эргэлзээтэй гарсан. Давтан шинжилгээ буюу PCR нь сөрөг гарсан. Тэгэхээр энэ хүн халдваргүй нь батлагдсан. Мэдээж эхний шинжилгээ нь эерэг гарсан байсан учраас явсан газруудад нь ариутгал хийсэн. Мөн хамт ажилладаг эмч нарыг нь тусгаарлаад байсан юм” гэлээ.