Эрүүл мэндийн яамнаас цаг үеийн нөхцөл байдлын талаар мэдээлж байна. ЭМЯ-ний Шуурхай удирдлагын дарга Д.Нарангэрэл “Иргэд цахилгаан шат хэрэглэхээс аль болох зайлсхийх хэрэгтэй, шатаар явахдаа шатны бариулыг барихгүй байх, гаднаас орж ирээд гадуур хувцсаа сэгсрэхгүй байх, хүүхдээ үнсэхгүй байхыг анхаарууллаа.
Мөн дэлхий дахинд 24 цагийн хугацаанд 536 мянган хүн шинээр коронавирусийн халдвар авсан нь өнгөрсөн өдөртэй харьцуулахад 79 мянган тохиолдлоор нэмэгджээ.
Монгол Улсад COVID-19-ийн батлагдсан 505 тохиолдол бүртгэгдлээ. Өвчлөл Улаанбаатар хот болон таван аймагт багц хэлбэрээр гарч байна. Сүүлийн 24 цагт 1800-0119 утсанд 3,269 хүн хандаж зөвлөгөө мэдээлэл авсан” гэлээ.