Молдавын ерөнхийлөгчийн сонгууль өнгөрсөн ням гаригт болж өндөрлөлөө. Тус улсын сөрөг хүчний тэргүүн Майя Санду энэ удаагийн сонгуульд ялалт байгуулжээ. Ажиглагчдын онцолсноор М.Сандуг Молдавын томоохон хот суурин газрын иргэд, Европын талыг баримтлагчид, мөн өсвөр залуу үеийнхэн түүний төлөө саналаа илүүтэй өгсөн нь ялах үндэслэл болсон гэнэ.
Харин тус улсын одоогийн төрийн тэргүүн Игорь Додоныг уламжлалт үзэлтнүүд, хөдөө аж ахуйн бүс нутгийнхан, ОХУ-ын талыг баримтлагчид дэмжжээ. Улмаар Молдав улс ирэх дөрвөн жилд барууны талыг баримталсан бодлого явуулах нь тодорхой болж байгаа юм.
Д.ЦЭРЭНДОЛГОР