Нийслэлийн хүн амын махны хангамж, үнэ тогтвортой байлгахаар 2020-2021 оны хүнсний хэрэгцээнд зориулан 20 мянган тонноос багагүй махны нөөц бүрдүүлж байна.
Улаанбаатар хотын Ерөнхий менежер Т.Гантөмөр 18 аж ахуйн нэгжээр мах бэлтгүүлэх шийдвэр гарсныг нийслэлийн Засаг даргын зөвлөлийн баасан гарагийн хуралдаанд дурдаад, “Нийслэлийн хүн амын хүнсний хэрэгцээнд зориулан дотоодын нөөцөд нэмэлтээр 7000 тн мах бэлтгэн нийлүүлэх сонгон шалгаруулалтыг 10 дугаар сарын 26-наас энэ сарын 4-ний хугацаанд зарласан. Цаашид махны хангамж, нөөцлөлтийн ажлыг үе шаттай хэрэгжүүлнэ” гэв.
Өнгөрсөн онд махны хангамж, хэрэгцээнд зориулан 16 мянган тонн мах бэлтгэж, нийт 11 мянган тонн махыг гэрээт 413 хүнсний дэлгүүрээр худалдан борлуулжээ.