Дэлхийн шатрын холбоо болон Азийн шатрын холбооноос энэ сарын 10-наас 25-ны өдрийн хооронд www.chess.com цахим сайтад зохион байгуулагдаж буй Ази тивийн цомын аварга шалгаруулах онлайн багийн тэмцээний эмэгтэй ангилалд Монголын баг, тамирчид тавдугаар байрт орж, шөвгийн наймд шалгарлаа.
Багийн ахлагч ДШХМ С.Ган-Од
1-р ширээ ИМ Б.Мөнгөнтуул
2-р ширээ ОУМ Б.Баярмаа
3-р ширээ ДШХМ Б.Алтантуяа
4-р ширээ ДШХМ Д.Мөнхзул
Нөөц тоглогч: ДМ Б.Удвал
Монголын эмэгтэй багаас хувийн дүнгээр буюу онооны үзүүлэлтээр
2-р ширээнд ОУМ Б.Баярмаа 3-р байрт,
4-р ширээнд ДШХМ Д.Мөнхзул 1-р байрт тус тус шалгарлаа.
Уг тэмцээний эмэгтэй ангилалд Ази тивийн 31 орны нийт 155 шилдэг шатарчид цагийн хяналт талдаа 15 минут, нүүдэл бүрт таван секундын нэмэгдэлтэй түргэвчилсэн буюу рапид төрлөөр өрсөлдлөө. Швейцарь системээр есөн өрөг тоглож эхний найман байрт шалгарсан багууд дараах хуваарийн дагуу хасагдах шатны тоглолтууд хийж, аваргуудаа тодруулах юм.
Шөвгийн наймд шалгарсан багуудын хэсгийн тоглолт нөгөөдөр 14:00-17:00 цагт
Шөвгийн дөрөвт үлдсэн багуудын хагас шигшээ тоглолт 24-нд 14:00-17:00 цагт
Шигшээ тоглолт аравдугаар сарын 25-нд 14:0-17:00 цагт тус тус www.chess.com цахим сайтад зохион байгуулагдана.
Монголын эмэгтэй баг аравдугаар сарын 23-ний өдөр шөвгийн наймд Вьетнам Улсын багтай, эрэгтэй баг Энэтхэг Улсын багтай тус тус шөвгийн дөрвийн төлөөх цагаан, хараас нийт хоёр өргийн халз тоглолт хийнэ.
Монголын баг, тамирчид Мэдээлэл технологийн үндэсний паркийн байранд өндөр хурдны интернэт, сүүлийн үеийн компьютерт суурилан тоглоно.