Баянгол дүүрэгт цахилгаан тасраад байна. Иргэдийн зүгээс “Сонгуулийн өдөр яагаад цахилгаан тасрав. Санал хураалтад нөлөөлөх зорилгоор ийм юм зориуд хийв үү” гэж хардаж байна. Улаанбаатар цахилгаан түгээх сүлжээ ТӨХК-ийн дуудлагын төвөөс энэ талаар тодруулахад “Цахилгааны шугамд гэмтэл гарсан учир Баянгол дүүргийн 16 дугаар хороо, Гандан, Модны хоёр орчимд тог тасраад байна. Шуурхай баг очиж гэмтлийг засаж байна. 18 цаг 30 минутаас цахилгаан ирж, хэвийн байдалдаа орно” гэлээ.