АНУ-ын ерөнхийлөгчид Ардчилсан намаас нэр дэвшигч Жозеф Байдены коронавирусийн шинжилгээний хариу сөрөг гарсан тухай түүний эмч Кевин Коннор мэдэгджээ.
“Дэд ерөнхийлөгч Ж.Байден, түүний гэргий Жилл Байден нарыг шинжилгээнд хамруулахад “COVID-19” илрээгүй” хэмээн мэдэгдэлд дурдсан байна. Энэ тухай мөн Ж.Байден “Твиттер” хуудсаараа дамжуулан мэдэгдэж, түүний эрүүл мэндэд санаа зовниж байсан бүх хүнд талархаж буйгаа илэрхийлжээ.
Гэргийн хамтаар коронавирусийн халдвар авсан тухайгаа АНУ-ын Ерөнхийлөгч Дональд Трамп 10 дугаар сарын 2-нд мэдэгдсэн билээ. Өвчний шинж тэмдэг Д.Трампт хөнгөн хэлбэрээр илэрч байгаа тухай эх сурвалжууд мэдэгдээд байна.