Монголын үндэсний морьт харвааны холбоо нь Засгын газрын тохируулагч агентлаг Биеийн тамир, Спортын Улсын Хороотой хамтран морьт харвааны УАШТ-ийг 2020 оны 09 сарын 19-нд “Чингис хааны хүрээ” аялал жуулчлалын цогцолборт зохион байгуулах гэж байна. Тамирчдын тоо жил ирэх тусам нэмэгдэж, тэмцээний цар хүрээ тэлсээр байна.
Жил бүр уламжлал болгон зохион байгуулагддаг уг тэмцээн нь уламжлалт болон спорт гэсэн нийт дөрвөн төрлөөр аваргуудаа шалгаруулдаг билээ. Баг тамирчид нум болон зэвт сум мөн хүлэг морьдынхоо бэлтгэл сургуулилтыг сайн базааж, оролцохыг анхааруулж байна.
Дэлхий дахинаа тархаад буй цар тахлын үеэр зохиогдох гэж буйгаараа онцлог бөгөөд халдваргүйжүүлэлт ариутгал, тамирчдын зай барилт болон бусад шаардлагатай арга хэмжээг цаг тухайд нь авч, тогтоогдсон журмын дагуу үйл ажиллагаагаа явуулна хэмээн зохион байгуулагчид мэдэгдсэн юм.