ХӨСҮТ-ийн Вирус судлалын лаборатори, Дархан-Уул аймгийн вирус судлалын салбар лабораторид өчигдөр нийт 799 сорьцод шинжилгээ хийхэд коронавирус илрээгүй хэмээн ЭМЯ мэдээллээ.
Коронавирусээр халдварласан хоёр хүн эдгэрч дараагийн сувилалд шилжиж байна.
Ингэснээр манай улсад коронавирусний 310 тохиолдол бүртгэгдсэнээс 298 хүн эдгэрлээ. Эдгэрсэн хүмүүсээс хяналтад 11, гэрийн ажиглалтад 21 иргэн байгаа бол 258 хүний ажиглалт тандалтын хугацаа дуусжээ.
ХӨСҮТ-д одоогоор коронавируст халдвартай 12 хүн эмчлүүлж байгаагаас таван хүний биеийн байдал хөнгөн, бусад нь хүндэвтэр байгаа аж.