Өглөө бүр тантай хамт байдаг “Өдрийн сонин”-ы баасан гаргийн дугаар 12 нүүрээр хэвлэгдэж, та бүхний гар дээр хүрч байна.
Нүүрсний экспортоос олох орлогоо богино хугацаанд яаж нэмэгдүүлэх гарц, гаргалгаа, санаа, шийдлийн талаар “Монгол нүүрс” ассоциацийн гүйцэтгэх захирал Н.Золжаргалтай ярилцлаа. Манай сонины тэргүүн нүүрнээс уншаарай.
Өдрийн сонины нийтлэлийн бодлогыг тодорхойлогч гуравдугаар нүүрт “УИХ-ын шинэ гишүүд ҮАБЗ-ийн гэх тодотголтой хуулиудыг нэн даруй өөрчлөх хэрэгтэй” хэмээлээ.
Тагнуулын ерөнхий газрын дарга асан Б.Хурц болон О.Бямбажав, Г.Эрдэнэбат, О.Бархасбадь, Ж.Мөнхгал, С.Баярт, Ү.Отгонбаяр, С.Эрдэнэбат, Э.Өлзийбаяр нарт холбогдох хэргийн шүүх хуралдаан Төв аймаг дахь Сум дундын Эрүүгийн хэргийн анхан шатны шүүхэд долдугаар сарын 16-нд эхэлсэн билээ. Дээрх шүүгдэгчдийг С.Зориг агсны амийг хөнөөсөн хэргээр ял эдэлж буй Т.Чимгээ Б.Содномдаржаа нарыг эрүүдэн шүүсэн хэрэгт буруутган Нийслэлийн прокурорын газраас яллах дүгнэлт үйлдэж шүүхэд ирүүлээд байсан юм.Тэгвэл таван өдөр үргэлжилсний эцэст шүүх хурал дуусч шийдвэрээ гаргав. Анхан шатны шүүхээс тэднийг гэм буруутайд тооцож, Ж.Мөнхгалд гурван жил, С.Баярт гурван жил, Б.Хурцад гурван жил, Э.Өлзийбаярт нэг жил, Г.Эрдэнэбатад гурван жил, О.Бямбажавт хоёр жил, Ү.Отгонбаярт хоёр жилийн ял тус тус оноож, О.Бархасбадь, С.Эрдэнэбат нарыг цагаатгасан байна. Энэ талаар Б.Хурцын өмгөөлөгч Б.Мэргэнээс шүүх хурлын талаар тодрууллаа.
Баасан гариг болгон хэвлэгддэг “Нэг ангийнхан” буланд энэ удаад “булганы төвийн нэгдүгээр арван жилийг ерэн онд төгссөн амьдай нарын ангийнхан” оролцлоо.
Make up artist, инстаграмын од А.Баярзаяатай ярилцлаа. Тэрээр “Монгол охид натурал шаргал арьстай мөртлөө цагаан крем түрхдэг нь хамгийн том алдаа” гэлээ.
Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/
Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы мягмар гаргийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно.
Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу. Цахим хэлбэрээр нь захиалахыг хүсвэл 88085029 дугаарт холбогдож дэлгэрэнгүй мэдээллийг аваарай.
“Өдрийн сонин”-той холбоотой мэдээ мэдээллийг 19001987-гоос лавлана уу.
“ӨДРИЙН СОНИН” ӨГЛӨӨ БҮХЭН ТАНТАЙ ХАМТ