Цэцэрлэгийн бүртгэл орон нутгийн шилжилт хөдөлгөөнийг зогсоохтой зэрэгцэж байгаа юм. Энэ жилийн хувьд цар тахалтай холбоотойгоор бүртгэлийн хугацаа богиносгожээ. VIII сарын 3-25-ны хооронд иргэд, эцэг эхчүүд цэцэрлэгийн хүүхдийн бүртгэлийг tsetserleg.ulaanbaatar.mn сайтад нэвтэрч бүртгүүлнэ. Сайт руу нэвтэрч хүүхдийнхээ регистрийн дугаараар хүүхдийнхээ мэдээллийг баталгаажуулж харна. Ингэснээр аль цэцэрлэгт танай хүүхэд хамрагдах боломжтой нь харагдана. Дараа нь өөрийнхөө холбоо барих утасны дугаарыг оруулснаар бүртгүүлсэн утасны дугаарт 6 орон бүхий код ирэх бөгөөд тухайн сайт руу орж баталгаажуулсаар таны утсан дээр бүртгэл баталгаажсан тухай мэдээлэл ирнэ. Хэрэв интернэтэд орох боломжгүй иргэн байвад товлосон хугацаанд харьяаллынхаа цэцэрлэг дээр ажиллах ажилтнуудад мэдээллээ өгч баталгаажуулна. Үүний дараа тухайн иргэдэд бүртгүүлэн гар утасны дугаарт нь хүүхэд цэцэрлэгт тань цэцэрлэгт бүртгэгдсэн эсэх мэдээлэл очих юм байна.