Эрүүл мэндийн яамнаас ээлжит мэдээллээ хийлээ. Дэлхий дахинаа коронавирус нь 216 улс орон нутаг дэвсгэрт бүртгэгдэж, 12832000 хүн өвчилж, 567000 хүн нас барсан байна. 7,4 сая хүн эдгэрч, 4,7 сая хүн хэвтэн эмчлэгдэж байна.
ХӨСҮТ-ийн захирал Д.Нямхүү: “Долдугаар сарын 11-нд нийт 377 сорьцонд шинжилгээ хийхэд 374 хүнд коронавирус илрээгүй. Харин гурван хүнд халдвар илэрлээ. Эдгээр хүмүүс нь долдугаар сарын 6нд Алтанбулагийн боомтоор орж ирж Дархан-Уул аймагт тусгаарлагдсан хүмүүс юм. Хоёр дахь давтан шинжилгээгээр илэрлээ. 22 настай эмэгтэй, 21 настай эрэгтэй, 22 настай эрэгтэй хүмүүс байна. Дархан-Уул аймгаас ХӨСҮТ-д авчирж тусгаарлан, эмчилнэ. Одоо наашаа ирж байгаа.
Өнөөдөр 2 хүн эдгэрч ХӨСҮТ-өөс дараагийн шатны сувтлалд шилжлээ. Уг хүмүүс нь 20 настай эмэгтэй 55 хоног, 19 настай эмэгтэй 46 хоног эмчлэгдээд гарч байна. Батлагдсан тохиолдол 230 байна. Үүнээс 202 хүнийг эмчилсэн. ХӨСҮТ-д эмчилгээнд байгаа 28 хүний биеийн байдлыг үнэлбэл, 25 нь хөнгөн, 3 нь хөнгөн байгаа” гэв.
Х.ЕСҮ