Баянхонгор аймгийн төвөөс хойд зүгт 15 км Баян-Овоо сумын төвөөс баруун урд зүгт 20 км-т байрлах Уранхайрхан багийн “Ламын худаг” гэдэг газар иргэн О-ын дөрвөн ханатай гэр шатжээ.
Тус дуудлагыг өчигдөр буюу долдугаар сарын 07-ны өдрийн 07:23 цагт өгсөн байна.
Баянхонгор аймгийн Онцгой байдлын газрын Гал түймэр унтраах, аврах 16 дугаар ангийн алба хаагчид 15 км зам туулан 07:52 цагт очиж галыг гурван минут ажиллаж унтраасан байна. Уг гал түймэрт 42 настай, эрэгтэй иргэн Т өртөж түлэгдсэн тул аймгийн ЯТТ-д, 47 настай, эмэгтэй О, 15 настай, эрэгтэй Т нар өртөж нас барсан тул цогцсыг Цагдаагийн байгууллагад тус тус шилжүүлэн өгсөн байна.