Сүхбаатар дүүргийн Засаг даргын захирамжаар байгуулагдсан Ажлын хэсэг тус дүүргийн 9-20 дугаар хороонд ажилласан байна. Ажлын хэсгийн бүрэлдэхүүнд нийслэл, дүүргийн холбогдох байгууллагын мэргэжилтнүүд багтаж, иргэдийн эрүүл, аюулгүй амьдрах орчинд эрсдэл үүсгэсэн, стандартын шаардлага хангаагүй, өнгө үзэмжгүй, барилгын хашаануудад хяналт, шалгалт хийлээ. Нийтдээ 27 байршилд Барилгын тухай хууль, Зөрчлийн тухай хууль болон бусад дүрэм, журмыг зөрчсөн, стандартын шаардлага хангаагүй хашааг засварлах, шинэчлэх, өнгө үзэмжийг сайжруулах чиглэл бүхий хугацаатай албан мэдэгдлийг иргэн, аж ахуй нэгжүүдэд хүргүүлэн ажиллаж байна.