“Эрдэнэс Тавантолгой” ХК-ийн 1072 хувьцааны ногдол ашгийг хувьцаа эзэмшигчдийн дансанд шилжүүлж эхэлсэн байна. Үнэт цаасны данс нь баталгаажсан 300 гаруй мянган иргэний дансанд өчигдөр ногдол ашгийг нь шилжүүлжээ. Баталгаажсан данс гэдэг нь брокерын компанид нээлгэсэн данс бөгөөд иргэдийн данс руу Монголбанкнаас багц гүйлгээ хийж, хувьцаа эзэмшигчдийн харилцдаг банканд шилжих юм байна. Ногдол ашиг тараах ажил тавдугаар сарын 4-ний өдөр бүрэн дуусна. Нийт хоёр сая 512 мянган хүн тус компанийн хувьцааг эзэмшдэгээс 300 мянган хүн л банкин дахь дансаа хувьцааны данстайгаа холбожээ. Иймээс банкин дахь дансаа хувьцааны данстай холбоогүй иргэдийн ногдол ашгийг НӨАТ-ын мөнгө буцаан авдаг дансанд нь шилжүүлэхээр ажээ.