УОК-ын шийдвэрээр тавдугаар сарын 2-нд Франкфурт-Улаанбаатар чиглэлд тусгай үүргийн нислэг үйлдэж, иргэдээ татахаар болсон. Уг асуудлаар “МИАТ” ТӨХК-ийн Гүйцэтгэх захирал Д.Баттөр, “Франкфурт чиглэлийн нислэг нь VI сарын сүүлээр нээгддэг чиглэл. Гэхдээ УОК-оос гарсан шийдвэрийн дагуу нислэг үйлдэхээр болсон. Энэ нь Берлиний чиглэлийг Франкфурт руу шилжүүлсэн гэсэн үг. Уг нислэгээр ирэх хүмүүсийн 50 гаруй хувь нь манай үйлчлүүлэгчид буюу Берлиний чиглэлд тасалбартай байсан хүмүүс. Харин 30-40 хувь нь “МИАТ”-ийн үндсэн зорчигч байгаагүй, шинээр тасалбар авч байгаа хүмүүс. Тэдний тасалбар нь 700 гаруй евро. Энэ бол 2015 онд батлагдаж, таван жил мөрдөгдөж байгаа тариф. 725 евро нь дунджаас бага зэрэг дээгүүр байна гэсэн үг. Учир нь, энэ хүмүүс “МИАТ” ТӨХК-аар зорчигч биш, хоёрдугаарт, эрэлт ямар байгааг хүмүүс мэдэж байгаа байх. Мөн тусгай үүргийн нислэг нь зөвхөн нэг талдаа зорчигчтой байгаа тул үнийг 2015 оны тарифаар нислэг үйлдэх нь зүйтэй гэж үзсэн” гэв.