Ерөнхий сайд асан Н.Алтанхуяг Үндэсний Аудитын Газарт мөрийн хөтөлбөрөө хүргүүлжээ. Сонгуулийн тухай хуульд бие даагчид IV сарын 25-ны дотор мөрийн хөтөлбөрөө аудитын байгууллагад хүргүүлж, хянуулна хэмээн заасан байдаг. Энэ дагуу бие даагчдын мөрөө хөтөлбөрөө ҮАГ-т хүргүүлэх хуулийн хугацаа өнөөдрөөр дуусгавар болж байна.
Ерөнхий сайд Н.Алтанхуяг “С.Эрдэнэ намайг АН-аас хассан тухай мэдээллийг олон нийтэд өнгөрсөн жил цацсан. Гэхдээ энэ талаар надад мэдэгдээгүй. Намайг намаас хассан гэдэг асуудлын талаар албан ёсоор мэдэгдэхийг хүссэн ч хариулт ирүүлсэнгүй. Тиймээс С.Эрдэнийн цацсан мэдээллийг үнэн гэж ойлгоод бие даан дэвшихээр мөрийн хөтөлбөрөө хүргүүллээ. Сонгуулийн өмнөх нөхцөл байдлын харахад их л тэнцвэргүй юм болох байх. Маскны цаанаас ганц хоёр юм ярьсан болоод л. Хэн нь хэн бэ гэдгийг мэдэх аргагүй юм” гэжээ.