ГХЯ-ын Консулын газрын дарга Л.Мөнхтүшиг: 35 улсаас 9412 иргэн нутаг буцах хүсэлтээ гаргаад байна. Эхний нислэг IV сарын 30-нд Сөүл рүү ниснэ. Бид Элчин сайдын яаман дээр гаргасан хүсэлтийнх нь дагуу бүртгэсэн мэдээлэлд тулгуурлан иргэдийг авчирна. Элчин сайдын яамдад шинээр бүртгэл хийхгүй. 9412 иргэнийг УОК тавьж буй шаардлагын дагуу хүндэтгэн үзэж шалтгаанаар нь ангилсан. Энэ мэдээлэл дээрээ үндэслэн нэрсээ эцэслэнэ. Үүнд транзит зорчигчид орно. Транзит зорчигчийг ХӨСҮТ тусгаарлаж байгаа тул эмнэлгийн нөөц бололцоондоо тулгуурлаж хэчнээн иргэнийг авах вэ гэдгийг шийднэ. Дараагийн нислэгийг тусгаарлах байр, эмнэлгийн нөөц бололцоог харгалзан үзэж шийднэ. Мөн дадлага сургуулилтыг иргэдийн бөөгнөрөл үүсгэхгүйгээр зохион байгуулах ажээ. Ингэхдээ ард иргэдийг гэртээ гэрийн дэглэм хэрхэн сахих чиглэлд сургуулилт зохион байгуулна гэлээ.