Дархан-Уул аймагт өнөөдрийн байдлаар авто замын “Алтанбулаг-Хиагт”, төмөр замын “Сүхбаатар-Наушки ” боомтоор улсын хил нэвтэрсэн нийт 173 иргэнийг тусгаарлажээ. Гэрийн ажиглалтад тусгаарласан хүн байхгүй байна.
Өнгөрсөн хугацаанд нийт 38 иргэн 14 хоногийн ажиглалтын тусгаарлах хугацаа дуусаж тусгаарлалтын байрнаас гарсан.
Цагдаагийн газраас тусгаарлах байрнуудын гадна хамгаалалтад давхардсан тоогоор 35 алба хаагч, 3 автомашинтайгаар 24 цагаар үүрэг гүйцэтгэж байгаа бөгөөд ажиглалтын байранд эмч 5, сувилагч 4, үйлчлэгч 4, 2 тогооч ажиллаж байна.