ЭМЯ-ны Эмнэлгийн тусламжийн газрын дарга Я.Буянжаргал, “Одоогийн байдлаар 1963 иргэн ажиглалтад байна. Баян-Өлгий, Сэлэнгэ, Дархан, Дорнодын боомтуудаар ОХУ, Казахстанаас иргэд орж ирж байгаа. Энэ нь тухайн улс орнуудад оюутнуудын хичээл сургуульд хязгаарлалт хийж, оюутны байрнаас нь чөлөөлсөн үйл ажиллагаатай холбоотой. Иймд бид иргэдээ татах үйл ажиллагааг зохион байгуулж байна. Орчны, хөрсний бохирдол нэмэгдэх хандлага байгаа энэ үед халдваргүйтгэлийн ажлыг анхаарч хийх нь зүйтэй гэсэн саналуудыг гаргаж холбогдох шийдвэрүүдийг гаргуулсан” гэлээ.