“Тунараа-Аз жаргалын төв”-ийнхөн энэ долоо хоногт “Нэг хүн нэг маск” аян зохион байгуулжээ. Дэлхий даяар коронавирусын халдвар айдас төрүүлж байгаа энэ үед хүн болгон маск буюу амны хаалт хэрэглэхийг чухалчилж байгаа. Тэр хэрээр ч амны хаалтны олдоц муудаж, үнэ нь өсч буй. Тэгвэл “Тунараа-Аз жаргалын төв” 1000 хүнд нэг удаагийн маск бэлэглэлээ.
Тус төвийнхөн “Монголчууд бид цөөхүүлээ. Бие биенээ хайрлах ёстой. Олон хүн сэтгэлээ нэгтгэсэн сайхан ажил боллоо” гэсэн юм. “Тунараа-Аз жаргалын төв” нь бясалгалын чиглэлээр үйл ажиллагаа явуулдаг. Хэдийгээр халдвар тархахаас сэргийлэн олон нийтийн сургалт, хичээлийг хориглоод байгаа ч тэд онлайнаар мөн сургалт явуулж байгаа юм.
Ийнхүү бясгалгалаа онлайнаар явуулах нь хорио цээрийн энэ үед иргэдийн сэтгэл зүйг тайван байлгах зорилготой бөгөөд хүмүүс ч талархан хүлээж авч байгаа гэнэ. Тус онлайн сургалтад хүссэн хэн ч хамрагдаж болох гэнэ.