Худалдаа, хөгжлийн банк нь АНУ-ын Олон Улсын Хөгжлийн агентлаг (USAID)-ийн санхүүжилтээр “Бизнесийн Тогтвортой Хөгжлийг Сайжруулах, Ил Тод Байдлыг Нэмэгдүүлэх” (BEST) хөтөлбөрийг “Хөгжлийн Шийдэл” ТББ-тай хамтран хэрэгжүүлэхээр боллоо.
“Хөгжлийн шийдэл” ТББ нь BEST хөтөлбөрийг 5-н жилийн хугацаанд хэрэгжүүлэх бөгөөд Худалдаа, хөгжлийн банктай жижиг дунд бизнес эрхлэгчдэд зориулсан сургалт, хэлэлцүүлэг, форум зохион байгуулах, бизнес эрхлэгчдийн санхүүжилтийн хүртээмжийг нэмэгдүүлж, эдийн засгийн сайн засаглал, хариуцлага, ил тод байдлыг сайжруулах зорилтуудын хүрээнд хамтран ажиллана.
Худалдаа, хөгжлийн банк нь 2016-2018 онд “Хөгжлийн шийдэл” ТББ-тай хамтран жижиг дунд бизнес эрхлэгчдийн үйл ажиллагааг сайжруулах, банк, санхүүгийн байгууллагаас зээлжих чадварыг нэмэгдүүлэх зорилго бүхий “REACH” төслийг амжилттай хэрэгжүүлсэн билээ.
ХХБанкны сошиалд нэгдээрэй.
