Туркийн талын санаачилгаар Орос, Туркийн удирдагчид утсаар холбогджээ. В.Путин, Режеп Тайип Эрдоган нар Сирийн хямралыг зохицуулах, Идлиб дэх хурцадмал байдлыг намжаах асуудлаар санал бодлоо солилцсон байна. Туркийн ерөнхийлөгч Р.Т.Эрдоган энэ үеэр Сирийн төрийн тэргүүн Б.Асадад шахалт үзүүлэх хүсэлтийг В.Путинд тавьсан гэнэ. Сирийн Идлиб мужид саяхан болсон буудалцааны үеэр турк цэргүүд амиа алдсан бөгөөд уг асуудлыг ч талууд хөнджээ. Хоёр орны удирдагчид мөн Украины зүүн хязгаар болох Донбасс дахь нөхцөл байдлын талаар ярилцах үедээ Минскийн гэрээний хэрэгжилтийг хөндсөн аж.