Автотээврийн үндэсний төвөөс орон нутгийн замд болгоомжтой зорчихыг анхаарууллаа. Цаг уурын байгууллага өнөөдөр буюу хоёрдугаар сарын 12-нд Архангай, Булган, Завхан, Увс, Хөвсгөл аймгийн нутгаар, 13-нд баруун аймгуудын нутгийн өмнөд хэсэг, төв, говь, зүүн аймгуудын ихэнх нутгаар, 14-нд нутгийн зүүн өмнөд хэсгээр, 15, 16-нд нутгийн зүүн хэсгээр цас орж, цасан шуурга шуурна. Салхи 12, 13-нд ихэнх нутгаар, 14-16-нд говь, талын нутгаар 13-15 м/с хүрч ширүүснэ гэж мэдээлээд байна.

Иймд зам даваа гүвээ хаагдаж, халтиргаа гулгаа үүсч болзошгүйг онцгойлон анхааруулж байна.

Орон нутгийн томоохон даваануудад халтиргаа гулгаа үүссэн учраас болгоомжтой зорчихыг мэргэжлийн байгууллагаас анхааруулж байна. Баруун аймгуудын нутгийн зүүн өмнөд, говийн аймгуудын нутгийн өмнөд хэсгээр ахиухан хэмжээний нойтон цас орж, цасан шуурга шуурч, ихэнх нутгаар замын халтиргаа гулгаа үүсч, даваа гүвээ хаагдаж болзошгүйг Цаг уур орчны шинжилгээний газраас онцгойлон мэдээллээ.

Тиймээс холын замд аюулгүй байдлаа хангаж зорчихыг Автотээврийн үндэсний төвөөс анхааруулж байна.

Сүүлийн өдрүүдэд цаг агаарын нөхцөл байдал хүндэрч, цасан шуурга шуурах төлөвтэй байгаа тул жолооч тээвэрчдийг орон нутгийн замд анхаарал болгоомжтой зорчихыг анхааруулж байна.

Хөдөлгөөнд оролцохдоо тээврийн хэрэгслийн техникийн бүрэн бүтэн байдлыг сайтар хангах, цаг агаарын нөхцөл байдал, замын зорчих хэсэг гадаргууны байдалд тээврийн хэрэгслийн хурдаа зөв тохируулах, архи согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, дулаан хувцас, шатахууны нөөцтөй явах, хамгаалалтын бүсийг хэрэглэж хэвших, хөдөлгөөний аюулгүй байдлыг сайтар хангаж бие биеэндээ хүндэтгэлтэй хандан гэрэл хэрэглэх дүрмээ баримтлан хөдөлгөөнд оролцохыг ЗЦГ-аас анхааруулж байна.