Японы нийслэл Токио хотноо энэ зун болох олимпийн наадам, паралимпийн наадмын тасалбарын 84 загварыг тус наадмыг зохион байгуулах хорооноос лхагва гарагт танилцуулав. Тасалбарын загваруудад Японы уламжлалт дөрвөн өнгө болох хүрэн улаан, хөх цэнхэр, цайвардуу ягаан, гүн ногоон өнгийг ашигласан хэмээн олимпийн наадмыг зохион байгуулах хорооноос мэдээлсэн юм. Тасалбарын загваруудад ашигласан дээрх дөрвөн өнгө тэмцээн болох газруудыг илэрхийлэх юм.
Сонирхуулахад паралимпийн наадмын тасалбарын цахим сугалааны хоёр дахь үе шат лхагва гарагаас эхлээд байна. “Токио-2020” наадмыг зохион байгуулах хороо олимп болон паралимпийн наадмын тасалбаруудыг ирэх хавраас эхлэн цахим хуудсаараа болон Токио хотын дэлгүүрүүдээр худалдаалахаар төлөвлөжээ.
У.ЧИНЗОРИГ