Сүхбаатар дүүрэг дэхь цагдаагийн 1,2 дугаар хэлтэс, Сүхбаатар дүүргийн прокурорын газар 2019 онд хийгдсэн ажил болон хэрэгжүүлсэн аяны хүрээнд гарсан үр дүнгээ танилцууллаа.
Өнгөрсөн жил Хэсгийн байцаагч, хороон цагдаа, нийгмийн ажилтан нартай хамтран 63 нэгдсэн болон хэсэгчилсэн арга хэмжээг зохион байгуулж, Хэргийн газрын хамгаалалтад 114 удаа ажиллаж, гэмт хэрэг үйлдсэн 113 этгээдийг цагдаагийн байгууллагад шилжүүлжээ.
Мөн “Зогс! Шалга хулгайчид боломж бүү олго”,”Нэг цохилт хоёр амьдрал сүйтгэнэ” гэм мэт аян амжилттай хэрэгжүүлсэн. Эрүүл, аюулгүй нийгмийн төлөө хамтдаа төслийн хүрээнд байгаль орчноо хамгаалах, ой хээрийн гал түймэр, хууль бусаар мод бэлтгэх болон мансууруулах эм, сэтгэцэд нөлөөт бодисын хэрэглээг хянах зэрэг үйл ажиллагаа явуулжээ. Мөн жилдээ 600 байсан залилах гэмт хэрэг 2019 онд 4600 болж өссөнтэй холбогдуулан “Ятгах тусам нягтал” аяныг хэрэгжүүлж эхлээд байна.
У.МӨНХ-ЭРДЭНЭ