Энэ сарын 12-ны ням гаригт Япон улсын Токио хотноо Кооракүэн боксын спортын ордонд Мэргэжлийн боксын бооцоот тулааны шигшээ тоглолт боллоо. Монголоос тамирчин Б.Төгөлдөр 65 кг-ийн жинд Доминака улсын тамирчин Дестино Жапонтай тулалдаж, тавдугаар үеийн тоглолтонд зүүн баруун гарын угсраа цохилтоор өрсөлдөгчөө хүнд цохилтонд оруулснаар 3-0-ын шүүгчдийн дүнгээр ялалт байгууллаа. Тамирчин Б. Төгөлдөрийн хувьд мэргэжлийн боксын ренгинд хоёр дахь удаагийн хүч сорьсон тэмцээн боллоо. Тэрээр өөрийнхөө бүх хүч чадлаа дайчилж, гаргаж чадсангүй. Тэмцээн эхлэхийн өмнөхөн ханиад хүрсэн, урьдах тэмцээнд гартаа бэртэлт авсан зэрэг нөлөөллөө. Ер нь цаашид мэргэжлийн боксоор хүч сорих сонирхол бий хэмээн өгүүлэв. Энэ өдрийн тэмцээн нь бүх жин таван үеэр, гурван минутын хугацаатай журамтайгаар жин бүрт японы 500000 иэны шагналтай байв.
В.ДАВАА
