Ерөнхий сайд У.Хүрэлсүх Нийслэлийн Засаг дарга бөгөөд Улаанбаатар хотын захирагч С.Амарсайхантай уулзаж, авто зам ашигласны хураамж нэмэх асуудлыг НИТХ-аар дахин хэлэлцүүлэхийг өнөөдөр чиглэл болголоо.
НИТХ-ын хурлаар баталсан Нийслэлийн 2020 оны төсөвт авто зам ашигласны хураамжийг тав дахин нэмэхээр тусгасан. Үүнийг иргэд эсэргүүцэж, автомашинтай жагсаал зохион байгуулж буй юм. Төр засгаас олон нийтийн эрх ашгийг хөндсөн аливаа шийдвэр гаргахдаа иргэдийн саналыг сонсож, бодлого, үйл ажиллагаандаа тусгаж байх хэрэгтэйг Ерөнхий сайд онцолсон байна. Улмаар уг асуудлыг НИТХ-аар дахин хэлэлцүүлэхийг чиглэл болгов.
Нийслэлийн Засаг дарга бөгөөд Улаанбаатар хотын захирагч С.Амарсайхан уг асуудлыг дахин судлаж, хуулийн хугцаанд НИТХ-д хандахаа хэллээ.