Эрүүл мэнддээ анхаарал тавих нь зүйн хэрэг. Гэвч зөв цагт, зөв дасгал хөдөлгөөн хийхгүй бол эрүүл мэндэд сөрөг үр дагавартайг эмч нар зөвлөж байна. Мэдээж өдрийн аль цагт ямар дасгал хийх вэ гэдэг дээр хүн бүр өөр өөрийн хүсэл сонирхол, тааллаар хандах нь ойлгомжтой. Гэхдээ та хэт өглөөний хүн биш л бол үүрийн таван цагт босч дасгал хийхээр өөрийгөө хүчлэх нь тийм ч сайн зүйл биш гэнэ. Өөртөө тохирсон буюу таарсан хөдөлгөөн, дасгалыг сонгож хийх нь чухал аж.
Америкийн Зүрхний холбооноос долоо хоногт доод тал нь 150 минутын дунд хэмжээний эрчимтэй дасгал эсхүл 75 минутын өндөр эрчимтэй аэробикийн дасгал хийхийг санал болгожээ.
Мөн маш олон дасгал хөдөлгөөнийг заавал нэг дор хийх албагүй гэнэ. Өдрийн турш бага багаар хийсэн ч болох юм. Их хийх тусмаа сайн, гэхдээ дунд зэргийн дасгал хөдөлгөөн ч гэсэн огт хөдөлгөөнгүй байхаас хамаагүй дээр гэж эмч нар зөвлөж байна.
Дасгал гэж яг юу вэ. Энэ нь зүрхний цохилтыг доод тал нь 10 минутын турш нэмэгдүүлдэг ямар ч төрлийн биеийн хөдөлгөөнийг хэлэх аж. Тиймээс өөртөө таардаг, тохирдог тэр цаг мөчдөө дасгал хөдөлгөөн хийцгээе.
Д.ЦЭРЭНДОЛГОР