Боксын насанд хүрэгчдийн УАШТ өнөөдөр Орхон аймагт эхэллээ. Тус тэмцээнд 26 байгууллагын 219 тамирчин эрэгтэй найм, эрэгтэй тав буюу олимпийн нийт 13 жинд өрсөлдөх юм.
Уг тэмцээнийг Эрдэнэт хотод боксын спортыг үүсгэн байгуулагч ОУХМ С.Баттулгын нэрэмжит болгон зохион байгуулж байна.
Энэ жилийн тэмцээний онцлог нь орон нутагт анх удаа болж байгаа бөгөөд “Токио-2020” олимпийн наадмын шигшээ багийг бүрдүүлэхэд оршиж байна.
Ерөнхий зохион байгуулагчаар Монголын боксын холбоо, хамтран зохион байгуулагчаар “Даншиг” групп ажиллаж буй.
Нэмж хэлэхэд, дээрх тэмцээнд Монгол Улсын гавьяат тамирчин, олимпийн хүрэл медальт Д.Отгондалай, Х.Энх-Амар, Э.Цэндбаатар нарын зэрэг шилдэг тамирчид хүч өрсөлдөнө.