НӨАТ-ын урамшууллын энэ оны арваннэгдүгээр сарын сугалааны тохирол маргааш /2019.11.17/ болно. Тохирлыг Боловсрол телевизээр 18.40 цагт орон даяар шууд дамжуулах юм. Иймд иргэд аравдугаар сарын 1-31-н хүртэлх хугацаанд худалдан авалт хийсэн цахим төлбөрийн баримтаа өнөөдөр 23:59 минутаас өмнө Цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдан азтан болох боломжтой. Энэ удаагийн тохирлоор 90 саяын супер шагналын эзнийг тодруулна.