Нийтийн тээврийн үйлчилгээг иргэдэд ойртуулах зорилгоор “U-Money” картын үйлчилгээг шинэчиллээ.
“Улаанбаатар смарт карт” компани энэ сарын 23-наас эхлэн “U-Money.mn” вэб сайтыг шинээр ашиглалтад оруулаад байна. Энэ сайтын тусламжтай иргэд төлбөр болон бусад холбогдох мэдээллийг авах боломж бүрдлээ. Мөн тухайн вэб сайтаас хот доторх нийтийн тээвэр төдийгүй орон нутгийн автобусны байршил, нислэгийн цагийн хуваарийн мэдээллийг авах боломжтой аж.
Мөн иргэдээс ирүүлсэн “Аппликешн удаан байна. Автобус харагдахгүй байна” гэх гомдлын дагуу автобусны байршлыг мэдээлдэг “UB Smart Bus” аппликешнийг шинэчлээд байна.