Говийн ууган сургуулийн нэг Өмнөговь аймгийн Цогтцэций сумын ерөнхий боловсролын нэгдүгээр сургууль түүхт 90 жилийн ойгоо ёслол төгөлдөр тэмдэглэлээ.
Тус сургууль тэртээ 1929 онд Шанхай уулын хошууны танхим нэртэй байгуулагдаж бүтэн, хагас жарны хугацаанд ард түмний мянга мянган хүүхэд багачуудад эрдэм номын шим хүртээсэн. Энэ сургуулиас төр нийгмийн зүтгэлтэн, урлаг, спорт,соёл бусад салбарын олон гавьяат нэр алдартан төржээ.
Тус сургууль өөрийн аймгаар төдийгүй улсдаа нэр хүндтэй сургуулийн нэг болж эдүгээ 1000 гаруй сурагчтай өнөр өтгөн айл болсон байна. Энэ бүх түүхэн замнал алдар гавьяагаараа улсын баатар Т.Борын нэрэмжит болсон билээ.
Ойн арга хэмжээнд монгол орны өнцөг булан бүрээс тус сургуульд ажиллаж байсан ахмад багш нар, төгсөгчид оролцож ахмад багш Мөнхнасангийн Цэдэн иш Хөдөлмөрийн гавьяаны улаан тугийн одонгоор, багш Цэдэндамбын Баярмаа Алтан гадас одонгоор, мөн олон багш ажилтануудзасгийн газар яам, сум орны шагналаар шагнууллаа.
Мөн сургуулийн дөрөв, долдугаар ангийн анхны төгсөгчид эдүгээ 90 нас дөхсөн бидний таван хүнийг (Б.Амгалан, Г.Данхар, Д.Нордогжав, Ч.Хүү, С.Хүүбаатар) хүндэтгэн пионер болгосон.
Ахмад төгсөгч Банзрагчийн Амгалан